قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №114

2015 جىلعى 20 اقپان,  استانا قالاسى بايقاۋ كەڭەستەرى قۇرىلاتىن شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارعا قويىلاتىن كريتەريلەردى بەكىتۋ تۋرالى «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابىنا سايكەس بۇيىرامىن: 1. قوسا بەرىلىپ وتىرعان بايقاۋ كەڭەستەرى قۇرىلاتىن شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارعا قويىلاتىن كريتەريلەر بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ە.دوساەۆ «كەلىسىلدى» قازاقستان رەسپۋبليكاسىنىڭ ءبىلىم جانە عىلىم ءمينيسترى ________ ا. ءسارىنجىپوۆ 2015 جىلعى 12 اقپان « كەلىسىلدى » قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ________ ت. دۇيسەنوۆا 2015 جىلعى «__» _________ قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 114 بۇيرىعىمەن بەكىتىلگەن بايقاۋ كەڭەستەرى قۇرىلاتىن شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارعا قويىلاتىن كريتەريلەر 1. وسى كريتەريلەر بايقاۋ كەڭەستەرى قۇرىلاتىن, قىزمەتىن دەنساۋلىق ساقتاۋ جانە ءبىلىم بەرۋ سالالارىندا جۇزەگە اسىراتىن شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردىڭ سايكەستىگىن ايقىنداۋ ءۇشىن ازىرلەنگەن. 2. تىزبەلەنگەن بارلىق كريتەريلەرگە سايكەس كەلۋ بايقاۋ كەڭەسى بار شارۋاشىلىق جۇرگىزۋ قۇقىعىنداعى مەملەكەتتىك كاسىپورىندى (بۇدان ءارى - كاسىپورىن) قۇرۋعا, سونداي-اق دەنساۋلىق ساقتاۋ سالاسىندا جۇمىس ىستەپ تۇرعان كاسىپورىنداردا بايقاۋ كەڭەسىن ەنگىزۋگە مۇمكىندىك بەرەدى: 1) كاسىپورىننىڭ جارعىلىق كاپيتالىنىڭ مولشەرى ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ كەمىندە 50 000 ەسەلىك مولشەرىن قۇرايدى; 2) بايقاۋ كەڭەسى بار كاسىپورىندى قۇرۋ جاعدايلارىن قوسپاعاندا, كاسىپورىننىڭ شتاتتىق قىزمەتكەرلەرىنىڭ جالپى سانى كەمىندە 150 ادامدى قۇرايدى; 3) بايقاۋ كەڭەسى بار كاسىپورىندى قۇرۋ جاعدايلارىن قوسپاعاندا, كاسىپورىننىڭ اعىمداعى قارجى جىلىنىڭ الدىڭعى ءبىر جىلداعى جىلدىق جيىنتىق تابىسى ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ كەمىندە 30 000 ەسەلىك مولشەرىن قۇرايدى; 4) بايقاۋ كەڭەسى بار كاسىپورىندى قۇرۋ جاعدايلارىن قوسپاعاندا, كاسىپورىننىڭ نەگىزگى قىزمەتىنەن تۇسەتىن تابىس جىلدىق جيىنتىق تابىستىڭ كەمىندە 70%-ىن قۇرايدى. 3. تىزبەلەنگەن بارلىق كريتەريلەرگە سايكەس كەلۋ بايقاۋ كەڭەسى بار كاسىپورىندى قۇرۋعا, سونداي-اق ءبىلىم بەرۋ سالاسىندا جۇمىس ىستەپ تۇرعان كاسىپورىنداردا بايقاۋ كەڭەسىن ەنگىزۋگە مۇمكىندىك بەرەدى: 1) كاسىپورىننىڭ جارعىلىق كاپيتالىنىڭ مولشەرى ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ كەمىندە 10 000 ەسەلىك مولشەرىن قۇرايدى; 2) بايقاۋ كەڭەسى بار كاسىپورىندى قۇرۋ جاعدايلارىن قوسپاعاندا, كاسىپورىننىڭ شتاتتىق قىزمەتكەرلەرىنىڭ جالپى سانى كەمىندە 100 ادامدى قۇرايدى; 3) بايقاۋ كەڭەسى بار كاسىپورىندى قۇرۋ جاعدايلارىن قوسپاعاندا, كاسىپورىننىڭ اعىمداعى قارجى جىلىنىڭ الدىڭعى ءبىر جىلداعى جىلدىق جيىنتىق تابىسى ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ كەمىندە 10 000 ەسەلىك مولشەرىن قۇرايدى; 4) بايقاۋ كەڭەسى بار كاسىپورىندى قۇرۋ جاعدايلارىن قوسپاعاندا, كاسىپورىننىڭ نەگىزگى قىزمەتىنەن تۇسەتىن تابىس جىلدىق جيىنتىق تابىستىڭ كەمىندە 60%-ىن قۇرايدى; 5) بايقاۋ كەڭەسى بار كاسىپورىن قۇرۋ جاعدايلارىن قوسپاعاندا, كاسىپورىننىڭ وقىتۋدىڭ كۇندىزگى نىسانىندا ءبىلىم الۋشىلاردىڭ جالپى سانى كەمىندە 960 ادامدى قۇرايدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10507 بولىپ ەنگىزىلدى.